Zoe wie de drei vorsteleke wijze zich roond 21 december vaan 't jaor nul op kemiele nao Bethlehem begaove, zoe trokke perceis 1949 jaor later Mestreechse "oosterlinge" de stadse vastelaovendswereld in es.........Keemeleers, laote veer zègke: kemielridders.

Ze plaotsde zich neve de Tempeleers die, mèt Groet-Mestreechs mandaat, miejer in 't westelek stadsdeil resideerden.

In 't begin waore de Keemeleers allein aktief in 't Wittevrouweveld. E paar jaor later trokke de Keemeleers (via 'ne euverstepke op de Hierderweeg) 't spoor euver nao Wiek. Dao vestigde ze zich "veur good".

In Wiek verliene de Keemeleers eder jaor doorgaank aon de Stadsprins es dee zich vaanaof de statie nao 't stadhoes begief. De Tempeleers hove ouch gein tol te betaole um vaanoet 't Kiemelriek de "Groeten Optoch" te laote trèkke.

Oet respek veur de Mestreechse Stadsprins höbbe de Keemeleers geine prins mèr 'ne "Vors", en is Mestreech-Oos umgetouverd in "Keemelstad".

Ouch de kleure vaan de Keemeleers wieke aof vaan de mestreechter vastelaoveskleure. De Keemeleers koze naomelek veur de kleure blauw en wit.