Welkom bij V.V. De Keemeleers
Zoe wie de drei vorsteleke wijze zich roond 21 december vaan 't jaor nul op kemiele nao Bethlehem begaove, zoe trókke perceis 1949 jaor later Mestreechse "oosterlinge" de stadse vastelaovendswereld in es.........Keemeleers. Laote veer zègke: kemielridders. Ze plaotsde zich neve de Tempeleers die, mèt Groet-Mestreechs mandaat, miejer in 't westelek stadsdeil resideerde. In 't begin waore de Keemeleers allein aktief in 't Wittevrouweveld. E paar jaor later trókke de Keemeleers (via 'n euverstepke op de Hierderweeg) 't spoor euver nao Wiek. Dao vestigde ze zich "veur good" en “veurgood”.
In Wiek verliene de Keemeleers eder jaor doorgaank aon de Stadsprins es dee zich vaanaof de statie nao 't stadhoes begief. De Tempeleers hove ouch gein tol te betaole um vaanoet 't Keemelriek de "Groeten Optoch" te laote trèkke. Oet respek veur de Mestreechse Stadsprins höbbe de Keemeleers geine prins, meh 'ne "Vors", en is Mestreech-Oos umgetouverd tot "Keemelstad".
Ouch de kleure vaan de Keemeleers wieke aof vaan de Mestreechter vastelaoveskleure, naomelek blauw-zèlver in plaots vaan roed-geel-greun.
Vors Stephan LXXVI
’t Waor ‘ne vijze kawwen daag in december, vlak veur Keers. Kemielke laog wie e keerskinneke in zie kribke te slaope. Al waor stèl. Meh in eine kier woort d’r hel op de vinster geklop! Kemielke sjrók wakker oet ziene winterslaop en spróng op. Heer wis neet wat häöm euverkoum en loerde verpópzak nao ’t vinster. Boe waor heer daan noe? Gaw hoofde heer neet te dinke, want um häöm heen rook heer d’n odeur vaan frisse fresiakes, rukende ruuskes, appetieteleke anemonekes en hei en dao e vergete vergeet-me-nietsje. Heer besefde ziech in ’n móm vaan tied tot heer in ’t blómmepetikske vaan de Percée stoont, en tot dat kloppe op de vinster niemes aanders waor daan d’n oetbaoter, dee aon ziene werkdaag wouw goon beginne!
Kemielke spróng op en vloog in zie Keemeleerskestuumke. Heer zat ’t mötske vervierlek meh veurziechteg op ziene króllezjiets en loerde op zien zjelozjie. ’t Waor al èlf nao èlf. Eve spooje, want aanders zouw heer te laat zien veur de jaorlekse aofspraok mèt de Kanselarijraod. Oei oei, dach heer, zoe moot ’t hei neet goon beginne!
Heer vloog ‘t petikske oet, en zaog wie prachteg de Percée en alle etablisseminte um häöm heen al waore verseerd. Heer loerde verwunderd um ziech heen, meh besefde wel: heer had ein taak. Heer mós op zeuk goon nao dee mins, dee Vastelaovendsvereineging de Keemeleers veur zouw mage goon in de Keemelriekse Vastelaovend. Heer staok zien pu oet de mouwe en góng aon de geng.
Oontdèk V.V. De Keemeleers
E klein bitteke informatie euver us
.png){kind=small}
.png){kind=small}
Aajd-Vorstegallerij
Dizze vorste gónge us al veur!
2024
Vors Cyrille LXXV
.jpg)
2023
Vors Alain LXXIV
.jpg)
2020-21-22
Vors Yves LXXI
.jpg)
2019
Vors Armand LXX
Ouch sponsor weure? Num contak mèt us op!
Evenemintecallepin
Wat geer de koumenden tied kint verwachte!
Veer zeuke diech!
Wèls diech deil oetmake vaan ’n gemeinsjap die zich inzèt veur de sameleving! Wèls diech lui ‘n oonvervals magnefiek Vastelaovendsfies bezörge? Höbs diech hart veur de Mestreechtse cultuur en tradities, en dat in ’n vereineging die al bekans 7 x 11 jaor besteit? Stap daan nao väöre en sleet diech aon bij eus Keemeleersfemilie!
Welke eigesjappe höbste nudeg?
• Leefde veur de Vastelaovend in Mestreech en Mestreech-Oos;
• Organisatorisch, technisch of communicatietalent, of gewoen gezèlleg mèt kinne doen;
• Serjeus ’t Vastelaovendsspeul kinne speule zoonder ’t te serjeus te numme;
• Diech wèlle inzètte veur sjariteit en verbinding;
• Eder aander reie die ’n aonvölling kin zien veur eus vereineging.
Mochste intrèsse höbbe, sjroom daan neet um contak mèt us op te numme. ’n Luuchtege en ludieke ballotaasj is ’n vrijwèlleg oonderdeil vaan eur sollicitatie.
Sponsore
Oontdèk daankzij wee veer dit meugelek höbbe mage make