De Worteleboer
Ut beeldsje vaan De Worteleboer weurt in 'n zier beperkte oplaog verveerdegd.
Dit beeldsje goon veer, es Vastelaovendsvereineging De Keemeleers, oetreike aon zjubilerende vereineginge en lui die vaan bezunder beteikenis veur eus maotsjappij zien.
Veer hope daan aoch tot deginnege die dit beelsje mage oontvaange bezunder gruuts drop zalle zien.
Noe nog get euver de historie vaan dit beeldsje.
Die vaan Mestreech voonte die vaan Wiek mer niks. Zoewie alle lui vaan boete Mestreech boere woorte geneump, waore die vaan euver de brögk dat ouch.
En zoewie oet Sint-Pieter de Mooswiever koume, koume oet Wiek de Worteleboere. Veur de Mestreechteneer 'ne sjelnaom, veur de Wiekeneer 'nen ierenaom, 'ne geuzenaom mèt 'n langer traditie es die vaan Mestreech.
En noe kinne ze neet zoonder ein, want um in Mestreech te koume mooste jummers door Wiek. Wat es veer tol zowwe heffe? Daan leep alles in de sop. Nein, nevenein stoon is beter veur us allemaol. En dao dreenke veer daan e gleeske beer op en ete e stök wortelevlaoj.
