De Ordes
Oontdèk alle Keemeleersordes
Keemeleersordes
Groetorde
Vorste-orde
Kemiel
Euze Vorsteleke Orde vaan dit jaor steit in ’t teike vaan 7 x11 jaor Vastelaovend in Keemelstad. Oets opgeriech in ’t Wittevrouweveld, góng ‘ne gróp verstendege wijze oet Mestreech-Oos, met die drei daog drop oet in Keemelstad, op zeuk nao plezeer, meziek en chariteit. Die zeuktoch kint me nog steeds trökzien es me nao de Wiekeneer loere, zien hand strak bove zie geziech en gespitsde ouge op zeuk nao de Vastelaovendsgeis, zjus wie dee Wiekeneer ouch mèttrèk in de cortege, mèt in d’n hood euze Vors. Wee 7 x 11 bougies maag oetbloze, kin trökloere nao al die sjoen verhaole, herinneringe, mominte en petit-histoirkes die Wiek en Mestreech-Oos zoe biezunder make, en aon al die lui die eus vereineging groet höbbe gemaak. ’t Is ’n hommaasj aon ederein mèt e blauw-zèlver hart. En wee die bougies oetbleus maag ‘ne wins doen. Veer winse en druime euver nog väöl zjubileia de koumende decennia, iewe en millennia.
Aon de Stadsprins vaan Mestreech weurt eder jaor 'n hiel bezunder oondersjeiing aongebooje: de Groetorde vaan de Keemeleers in 't aajd zelver mèt "gouwe pin".
Door de jaore reike de Keemeleers ouch speciaole pinne oet. Aon persoene die z'ch mie daan verdeenstelek höbbe gemaak veur de vastelaovend in 't bezunder of 't vereinigingsleve in 't algemein, weurt de "loede pin" oetgereik.
Loede Pin
In 't naojaor vaan 2008 is bij de Keemeleers 't idee oontstaande um eder jaor 'ne persoen te iere mèt de "Loede Pin". De bekinde "Pin" vaan de Keemeleers, meh daan oetvergroet en in loed gegote op e sjoen breet vas gemaak. Iemes dee ziech in eus ouge op wat veur meneer daan ouch verdeenstelek heet gemaak veur Mestreech en veur Wiek in 't bezunder kin daoveur in aonmerking koume.
De Loede Pin 2026 is oetgereik aon Stiechting Quiet.
Sinds 2017 maak Stichting Quiet Maastricht leve veur stèlle ermooj, want ouch in eus wieke kump dit jaomer genóg veur. En umtot me neet genóg leve kint make veur ’t leve vaan dees lui, wèlle de Keemeleers hun hoegste ier bewieze aon Stiechting Quiet Maastricht. Veur al dat wèrk, ’t vertèlle, verzachte, versterke en vertrouwe, is ‘ne Loede Pin mie es op zien plaots. De Keemeleers drage Stiechting Quiet e werm hart touw.
Es geer mie wèlt wete wat de stiechting allemaol deit, kiek daan ins op hun website: quiet.nl/maastricht
De Loede Pin is oetgereik aon:
2009 - Paul Rinkens
2010 - Wim Hazeu - Wèthawwer gemeinte Mestreech
2011 - Luc Winants - Wèthawwer gemeinte Mestreech
2012 - Harrie Beaumont - Eigeneer Hotel Beaumont
2013 - Lenie Menten (postuum) - Accordeoniste, Mestreechse artiest
2014 - Sheila Oroschin - OIW en The Masters
2015 - Ger Franzen - Eigeneer Hotel & Tapperij de Poshoorn
2016 - Frans Theunisz - Mestreechse arties
2017 - Kien - Eigenaresse Kaffee Swaree
2018 - Nol Beckers - o.a. Veurzitter vaan Ondernemend Wijck
2019 - Chrit Leenders - Creatieve doezendpoet
2020 - Kitty Willems-Dresens - Buurtblaad Groet Wiek
2021 - Buurtnetwerk "Us Sint-Maartenspoort"
2022 - Wieker Famfaar Sint Franciscus
2023 - Stiechting Brouwerij Bosch
2024 - 't Mestreechs Volleks Tejater
2025 - De Clochards
2026 - Stiechting Quiet
