De Sympathisante vaan de Keemeleers zien 'n enthousiaste gróp vrijwèllegers die regelmaoteg hand- en spandeenste vervölt um de sociaole activiteite vaan de Keemeleers te beköstege. Dees sociaole activiteite zien oonder aandere de bezeuke aon Basissjoal Wiek, de Koepelhof, Huize Maasveld en de kinderaofdeiling vaan 't MUMC+. Veer organisere 'ne seniorematinee veur eus inwoeners, Meh geve ouch erkènning (zoewie de Loede Pin) aon lui of organisaties die zich inzètte veur eus börgers.

​

De wèrkzaomhede die dizze gróp vervölt, variëre vaan barsjiechte bij 'ne Broonk of e festival, kassawerk op 't Preuvenemint of bij de Duckrace, lievere vaan vrijwèllegers veur sportactiviteite wie de Ironman, Via Belgica of Maastricht Running Festival, meh ouch veur garderobewerk of parkeerwach bij broquantes.

​

Höb g'r intrèsse um es Sympathisant mèt te wèrke, mel uuch daan aon via eus contakformulier. Heet eur organisatie vrijwèllegers nudeg veur eur eveneminte, neum daan ouch contak op via eus contakformulier.