Hermeniekes Konkoer 'Wieker Paraad'

Kómp geer ouch loere nao de Wieker Paraad, op 16 fibberwarie?

De Zate Hermeniekes stoon dit jaor centraol in de Mestreechter Vastelaovend. Tot dit evenemint springleveteg is, bewijs euze Wieker Paraad, dee traditioneel op de lèste zoondag veur Vastelaovend door de straote vaan Wiek raos. De Paraad is daomèt de ginneraol rippetitie veur de Vastelaovend vaan Mestreech en Limbörg.

Dit jaor höbbe veer e recordaontal deilnummers. De meziekgezèlsjappe koume dit jaor neet allein oet Mestreech, meh ouch oet Born, Gronsveld, Gölpe, Èkkelraoj en zelfs Den Bosch. Op 16 fiberwarie zalle zie speulentere door Wiek trèkke. Tijdens hun toch doen ze versjèllende kaffees aon, um punte te kriege vaan de zjurerende kasteleins, en de keel en ’t instrumint te smere, zoetot zie mèt goojen ammezuur wijer kinne. Alle deilnummende hermeniekes make, neve de ier en de goodkäöring vaan euze Vors Yves LXXI, kans op d’n ierste pries: e veetsje beer.

Op 16 fibberwarie verzamele de zate hermeniekes ziech roontalum 13:30 bij de Percée. Roontalum 17:30 verwachte veer de priesoetreiking.

Hawt euze Facebook-pagina good in de gater, de koumende week zalle veer alle Zate Hermeniekes kort aon uuch veurstèlle, mèt foto’s, fèlmkes en/of e wäördsje euver de vereineging.