Nui bestuurslid

Oonlangks is Stephan Brouwer towgetrejd tot 't bestuur vaan vastelaovendsvereineging De Keemeleers. Heer zal z'ch mèt allerhande zake geriech op de in- en externe organisatie vaan de vereineging goon bezig hawwe en daoneve is heer verantwoordelek veur de PR zake.

Es Aajd Vors (66e) en inmiddels al 3 jaor es Keemeleer vind heer 't 'n ier um aon de regietaofel te stoon  vaan dees sjoen vereineging. "Es vereineging stoon veer aon de veuraovend vaan veranderinge en aonpassinge mèt 't vizier geriech op de touwkoms. Veer zalle daan aoch kritisch goon kieke nao eus huidige eveneminte en eus organisatie. Mèt 'n aontal nui inziechte wèlle veer aon de slaag goon um 't volk vaan Wiek en Mestreech Oos in de touwkoms dee fijne vastelaovend te blieve beeje zoewie zie geweend zien vaan De Keemeleers", aldus Stephan.