Same mèt eus sponsore, lede vaan de “club vaan 100”, eus adverteerders op de flyer en al die aander lui die us steune es eus dames koume collectere, kinne veer veur joonk en aajd eus sjouwers blieve zètte oonder de Vastelaovend in Wiek.

De sjariteit steit bij de vereineging hiel hoeg in ’t vastelaovendsveendel, mèt aondach veur de seniore in Wiek, bezeuke aon Maosveld, Vijverdal en de kraanke Wiekenere in ’t hospitaol.

En wat te dinke vaan al die bezeuke die door de Keemeleers weure aofgelag in en boete Mestreech es gruutse ambassadeurs vaan de Mestreechter en de Wieker Vastelaovend.

De Keemeleers  kinne dat neet allein. ’ne Groeten daank is daan ouch eder jaor op zien plaots aon eus sponsore, adverteerders, Club vaan 100 lede en aander sympathisante die ’t in cent of op aander menere meugelek make tot veer dat allemaol kinne blieve doen.

Es geer de Keemeleers én de Wieker Vastelaovend 'n werm hart touwdraag, èn ins op wat veur meneer dit wèlt oondersteune daan kint geer kontak opnumme mèt eus Sikkertariaat middels 't kontakformuleer op dees site.

Gere koume veer ouch in kontak mèt uuch um same te bekieke wie veer de Mestreechter èn in ut bezunder de Wieker Vastelaovend kinne laote bleuje veur noe èn in de koumende jaore. Es geer mèt eus dao euver wèlt mètdinke daan kint geer ouch kontak opnumme met eus Sikkertariaat middels 't kontakformuleer op dees site.