Keemeleersordes
De pin is, neve de Kemiel, 't symbool vaan de vastelaovend in Mestreech-Oos. De "Groetorde vaan de Keemeleers in 't aajd zelver mèt pin" is ein vaan de mies gewèlde carnevalsoondersjeiinge. Prinse, Hertoge, Markieze en zjubilarisse oontvaange dees hoegste oondersjeiing.
Groetorde vaan de Keemeleers in 't aajd zelver mèt pin
Groetorde
Kemiel mèt de twie böltjes
Aandere weure geseerd mèt de "Groetorde" zoonder pin of mèt de hoesorde vaan de Keemeleers, de "Kemiel mèt de twie böltjes" .
Door de jaore reike de Keemeleers ouch speciaole pinnen oet. Aon persoene die z'ch mie daan verdeenstelek höbbe gemaak veur de vastelaovend in 't bezunder of 't vereinigingsleve in 't algemein, weurt de "loede pin" oetgereik.
Aon de Stadsprins vaan Mestreech weurt eder jaor 'n hiel bezunder oondersjeiing aongebooje: de Groetorde vaan de Keemeleers in 't aajd zelver mèt "gouwe pin".
