Vastelaovendsvereineging De Keemeleers

Klik op bovestaonde knop en steun Vastelaovendsvereineging De Keemeleers, zoetot zie de sjoen eveneminte kinne blieve organisere veur joonk én aajd.


Nuits


Loede Pin 2024

 

In ’t naojaor vaan 2008 is bij de Keemeleers ’t idee oontstande um eder jaor ‘ne persoen of organisatie te iere mèt de “Loede Pin”. De bekinde “Pin” vaan de Keemeleers, meh daan oetvergroet en in loed gegote en denao op e sjoen breet vasgemaak. Iemes dee ziech in eus ouge op welke meneer daan ouch verdeenstelek heet gemaak veur Mestreech in ‘t algemein en veur Wiek in ’t biezunder kin daoveur in aonmèrking koume.

 

En dit jaor is die ier gevalle aon ein vaan de groetste cultureel gezèlsjappe die Mestreech in häör historie oets heet gehad, ’t Mestreechs Volleks Tejater. Al vaan 1982, mie es veerteg jaor geleie, bringk ’t Mestreechs Volleks Tejater, kemediestökke, klöchte, kemikke opera’s en musicals veur, vaan en aon ’t volk vaan Mestreech.

 

 

En daorum deit ’t däög en zien de Keemeleers zier verhäög um de Loede Pin 2024 oet te reike aon ’t @mestreechs_volleks_tejater. Veur al die sjoen en memorabel mominte die ginneraties lui höbbe mage beleve, en ouch es aonmoedeging um nog veerteg jaor door te goon.


Vreug en Neugter wint Wieker Paraad, de Kachelpiepers verrassend twieds!

 

Maastricht - In Wyck is alles mogelijk. Daar kan het zomaar gebeuren dat De bok z’n kloete op het plein voor café De Poshoorn midden tussen de Kachelpiepers staat tijdens de Wieker Paraad, het ‘zaate hermeniekeskonkoer’ van het Maastrichtse stadsdeel.

 

Annelies Hendrikx - Dagblad de Limburger

 

 

Huh? De Kachelpiepers? Die vormen toch bepaald geen zaate hermenie? Ze zijn het garderizzjemint van de stadsprins! Toch zijn ook de Kachelpiepers hier meer dan welkom, verzekert Alex Jamin van carnavalsvereniging de Keemeleers, organisator van de Wieker Paraad. Sterker nog: even later blijkt dat zij met de tweede prijs aan de haal gaan. Negentien hermeniekes hebben hier op deze zondag voor carnaval acte de présence gegeven. Een paar jaar geleden kwamen er nog maar drie of vier opdagen. „Daar moet je wel voor werken”, vertelt Jamin. „Persoonlijke contacten met de hermeniekes, maar ook met kasteleins zijn daarin heel belangrijk.” Ceremoniemeester Egidius Cratsborn kondigt dan het benkelik momint aan: wie wint de Wieker Paraad 2024? Um te Jenke wordt derde; winnaar is Vreug en Neugter. En die verrassende tweede dus: de Kachelpiepers.

 

 

Wieker Paraad 2024. — © Rob Oostwegel



Veer zeuke diech!

 

...veur eus Vastelaovendsfemilie in Mestreech-Oos!

Wèls diech deil oetmake vaan ’n gemeinsjap die zich inzèt veur de sameleving! Wèls diech lui ‘n oonvervals magnefiek Vastelaovendsfies bezörge? Höbs diech hart veur de Mestreechtse cultuur en tradities, en dat in ’n vereineging die al bekans 7 x 11 jaor besteit? Stap daan nao väöre en sleet diech aon bij eus Keemeleersfemilie!

 

Welke eigesjappe höbste nudeg?

- Leefde veur de Vastelaovend in Mestreech en Mestreech-Oos;

- Organisatorisch, technisch of communicatietalent, of gewoen gezèlleg mèt kinne doen;

- Serjeus ’t Vastelaovendsspeul kinne speule zoonder ’t te serjeus te numme;

- Diech wèlle inzètte veur sjariteit en verbinding;

- Eder aander reie die ’n aonvölling kin zien veur eus vereineging.

 

Mochste intrèsse höbbe, sjroom daan neet um contak mèt us op te numme. Dat kin door us e privé-beriech te sjikke, of te reagere via info@keemeleers.nl of eus kontakformuleer . ’n Luuchtege en ludieke ballotaasj is ’n vrijwèlleg oonderdeil vaan eur sollicitatie.

 

Op nao 7 x 11 jaor Vastelaovend in Wiek en Mestreech-Oos!